Fushata parajsore

FASLLI HALITI

        .poemё hiperbolё.

Pas 23 qershorit 2013,

Pas Zgjedhjeve pёr nё Parlamet

Pas zgjedhjeve pёr deputet

Nё Kuvend:

Mëngjesi,

Mesdita, 

Mbrёmja,

Do tё jenё blu,

Blu dita, nata, dritat, pallatet, vilat, shtёpitё                                                                    

Blu mullarёt, lëndinat, grunjat, misrat

Blu uji i kanalit, i pusit, çezmёs, burimit,                                                                                    

Blu ajri, shiu, era, pjeprat, domatet, trangujt,

Blu qumështi, gjalpi djathi, mishi, mielli, vezët,

Blu fasulet orizi, sheqeri, kafeja, piperi,

Blu benzina, nafta, gazi,

Blu yjet, hёna,

Dielli;

Blu karafilat,

Lulёkuqet,

Blu ylberi nё qiell,

Blu krejt Shqipёria,

Gjithё vendi monokolor;

Blu

Korabi,

Blu mali Tomor.

***

Ne

      na

             besojnё...

Jemi ndryshimi, jemi ndryshimi

Për pa-rà

mbi çdo sfidë ne do fitojmë.

Premtuam 

Dje,

Na besuan.

Premtojmë sot

Na besojnë pa hezitim...

U premtojmë foshnjave,

Bebeve ,

Dhe bebet na besojnë

Edhe pse ato ende s’ecin,

Edhe pse ende s’dinё tё flasin,

Himnin e fushatës sonë

Ata

Dinë ta këndojnë:

Jemi ndryshimi, jemi ndryshimi,

të gjithë duart t’i bashkojmë.

Jemi ndryshimi, jemi ndryshimi

mbi çdo sfidë ne do fitojmë.

U premtojmë tё vdekurve...;

Dhe tё vdekurit kanë besim te ne ;

U premtojmë kafshёve tё egra tё pyllit

Dhe  kafshёve tё buta shtёpijake

Shpendëve tё buta

Dhe shpendёve tё egra

Shpendëve bifunksionale,

Me krahё

Dhe kёmbё,

U premtojmë rreptilёve

Gjarprinjёve, hardhucave

Kobrave, nёpёrkave,

Anakondave,

Minjve,

Urithёve,

Krimbave tё tokës, qё lёrojnё tokёn

Krimbave tё drurëve qё i tmerron qukapiku,

Insekteve qё i tmerron dallëndyshja,

Sardeleve, peshqve tё kënetave, 

Peshqve tё liqeneve,deteve,

U themi

Tё qarkullojnë

Tё jetojnë tё qetё

Askush

S’ka pёr t’i prekur ato mё,

As nё tokё as nё gjole, moçale, kёnetё,

As nё liqene, as nё oqeane

As edhe nё det...

Ne u themi deleve,

Qingjave,

Pulave:

Na besoni

Nuk ju hamё as pёr festa as pёr dasma, 

Ju lutemi, mos kakarisni mё, mos u friksoni...

Do t’i mёsojmё bebet e sapolindura

Që Himnin e Fushatë së PD :

Qё

Himnin

E  Fushatës sonë

Më mirë se Majkёll Xheksoni ta këndojnë,

Shqipёria po ndryshon...

Nën qiellin blu dhe pa re,

na pret të gjithë një ditë e re

***

Spot publicitar:

Po ku,

Ku na pret kjo ditë e re?

Rrugëve, bulevardeve të botës,

Rrugëve tona me dekore gropash,

Me refrene lypësash bulevardesh, qosheve

Nëpër kazino, lotosportesh

Apo nëpër kafene…?

Po atë qiell blu dhe pa re

Si e shohke ti

Blu  

Pa re si e sheh?

A s’e sheh me re të zeza

Si fusha të lëna djerrë

Si ugar i lëruar

Gjithë plisa resh të zeza, lënë pa mbjellë?

***

Bebet  e sapo lindura do t’i bёjmё

Muzikantё,

Filozofё

Politikanё piktorё,

Qё nё orët e para tё lindjes

Do t’i shpallim liderё botёrorё.

Ne na besojnë...

Ne

Edhe bebet na votojnë...

Duke belbëzuar bë, bë, bë

Dhe votojnë vetëm

Për ne,

Për

PD, PD, PD... !

Plakave dhe pleqve

Do t’ua zhdukim rrudhat,

Thinjat,

Do t’i bёjmё

T’u ridalin dhёmbёt,

Tё shohin pa syze si nё rini,

Si nё rini t’u çapitin, t’u ecin kёmbёt.

Do bёjmё

Qё gratё blu dhe burrat blu,

Tё puthen blu, non stop,

Tё bёjnё dashuri blu,

Non stop 

Ditёt dhe  natë,

Të bëjnë dashiuri

Tё lindin çdo javë dhe muj

Vetëm vajza dhe djem demokratë.

Tё pushkatuarit nga diktatura,

Do t’i ringjallim prapё,

Sepse

Secili prej tyre,

Pёr ne,

Sigurisht,

Ёshtё njё Muamed

Ёshtё njё Jezus Krisht.

Ne na besojnë...

Ne

Dhe tё pushkatuarit na votojnë.

Do bёjmё

Qё kafshët

Shpendёt e pyllit

Tё mos i prek plumbi,

Çarku,

Laku,

Dhёmbi i ujkut,

Tigrit luanit, çakallit, sqepi i skifterit

Nё demokraci s’ka çarqe dhe plumba,

S’ka kthetra e dhёmbё si nё epokёn e Enverit.

Harboni, o kafshё tё pyllit nё liri,

Nё demokraci ka kёngё, ode

Marshe,

Valle ,

Nё Eldoradon Shqipёri,

Nё Eldoradёn tonё, pa probleme, pa “halle”.

Do bёjmё qё pulat  tё bёjnё nga dy vezё nё ditё,

Do libralizojmё lindjen e qengjave

Qё delet tё bёjnё dy qingja

Nё javё

Lopët tё bёjnё

Dy viça nё muaj,

Qё tek ne, “Populli”,

Tё hajё çdo ditё e pёrgjithmonë 

Vetëm mish viçi dhe zogj tё njomё.

Do liberalizojmë lulëzimin,

Pemët, bjeshkët, fushat, lëndinat 

Tё lulёzojnё pёrjetёsisht

Pranverë,

Verё,

Vjeshtё,

Dimёr me akuj,

Me fraq, thёllim, ngrica, dёborё,

Gjethi dhe bari do blerojnë nё katёr stinёt;

Bletët  do kullosin nё lule tё pёrjetshme,

Brenda harkut tё pёrjetshёm kohor.

Shkretirat do tё harbojnë

Nё blerim madhor.

Toka kripore, pa njё fije bari,

Tokat shkretina ,

Do t’i bёjmё pjellore,

Do t’i kthejmë nё kullota, lëndina.

Ne do bёjmё qё edhe mushkat tё pjellin.

Mjaft i lamё shterpa, beronja, ato,

Asnjё mushkё mos mbetet

Shterpё,

Beronjё..

Ne, edhe mushkat do t’i martojmë.

Edhe majmunёt

Do  t’i punёsomё

Puna e bёri majmunin njeri?

Puna do t’i bёjё majmunёt njerëz

Puna do tё na bёjё gjithё ne njerёzit, gjeni... 

Do ecim drejt, pёr- para, si gjenitё

Dhe jo me dredha, pёrdredha

Si gjarpёrinjtё

***

Spot blu,

Pu

      Bli

                Citet:

Votoni për të djathtët,

Votoni për oborrin qeverritar,

Votoni për oxhakun,

Votoni

 Për një vatër,

Votoni, votoni, numrin «hyjnor»

Votoni numrin Katërdhetë e katër (44) !

***

Ne

Do t’ju sjellim ujё,

Jo ujё tё zakonshёm si gjer tani,

Ne do t’ju sjellim ujin “Perla”

Ujё Qafёshtame,

Ta pini

Tё laheni

Ujiё mbretëror,

Non stop 

24 orё.

Çdo

Pallat,

Çdo vilё,

Barrakё, kioskё,

Gjithkush

Do ketë dritё yjesh qiellorё

Do tё ketë dritё yjesh blu

Non stop 24 orё.

Ne na besojnё...

Për

Ne

Tё djathtёt,

Për oborrin rkoko

Përë oborrin qeveritar barok.

Për ne votuan yjet e qiejve dje,

Për ne do të votojnë edhe lulet e tokës sot.

Rruga e Kmbit,

Rruga Rrёshen – Kalimash,

Rruga e Arbërit s’na ngopin, s’na mjaftojnë…

Ne do fillojmë rrjetin e rrugёve blu 

Nёpёr Adriatik e nёpёr Jon,

Rrjetё rrugёsh nёpёr qiej,

Nёpёr kozmos,

Do tё lidhim planetet

Me tokёn, me Shqipёrinё tonё;   

Do shtrojmё Rrugёn e Qumështit me çakull yjesh,

Do ta asfaltomё me materie blu hёnor

Planetet

Dhe yjet do t’i lidhim

Me ura kozmike, blu, gjithandej

Qё shqiptarёt tё ecin rrugёve tё asfaltuara

Nёpёr tokё, nёpёr dete, nёpёr kozmos dhe qiej.

Gёzohen rrugët tё shtruara nga ne blutё.

Dëgjojini  si brohorasin:

Shpëtuam

Nga pluhuri i mavive,

Nga gropat e zeza tё tё kuqve,

Nga llumi dhe balta e kuqalmavive;

Brohorasin

Rrugicat:

Shpëtuam nga pellgjet, plehrat e rozё-mavive,

Brohorasin boritё e autobusëve me krisma blu,

Brohorasin boritё e kamionëve,

Veturave,

Karrocave,

Motoçikletave:

Shpëtuam nga balta e rozë-mavive,

Ecim

Rrugëve bluve, pa gropa,

Ecim komodë,

Siç ecёn rrugëve të saj Evropa.

***

Spot televiziv fushate:

Keni shtruar rrugë, sigurisht,

Rrugë  

Si obeliskë

Rrugë si piedestale

Si piedestale për bustet tuaja

Për shtatoret tuaja qeveritare.

Kurse

Rrugicat tona

Rrugicat mes pallateve,

Rrugët nëpër lagjet tona diellore

Rrugët e periferisë

I keni lënë të mbytura në baltë deri në fyt.

I shohim,

Në ballë ikemi sytë…

***

Shqiptarёt i pajisëm me pasaporta biometrike

Shqipërinë e futëm në Nato,

Ppo ne

Do ta integrojmë

Edhe në BE.

Shqiptari

Sot  

Qarkullon  

Lirisht, pa frikë   

Nё pesё kontinentet,

Pa vizë do të shkoj më 24 qershor në Amerikë,

Do të lëviz lirisht ai, nё tё tetё planetet tanё:

Jupiter,

Mars, Mёrkur,

Pluton, Mёrkurё

Afёrditё, Neptun,  Saturn, Uran. 

Shqiptari do tё hajё bukё blu,

Do tё hajё ambrozia,

Ushqimin biblik,

Mana

Pёr jetё,

Ne, do ta rrisim mirëqenien

Sa Tomori, Korabi, Himalajet, pёrpjetё. 

***

Zotërinj fermerë,

Mos mbillni nga fara e fjalëve

Të kryeministrit,

Fjalët e tij

Janë farë

E zjerë

Zotërinj fshatarë,

Zotërinj fermerë.

Mos i hidhni në arën e shpirtit tuaj humus

Fara e zjerë e fjalëve të tij

Nuk mbin,

Pa le pastaj të çojë bifkë,kërcell,

Pa le pastaj rrisë kallin.

Okej

Zotërinj fshatarё,

Zotërinj fermerё,

Zotërinj qytetarё ?

 ***

Spot blu.

Pu

       Bli

              Ci

                     Tet :

Kush voton pёr PS mavinë

Voton kundër Perёndisё,

Nuk e do Perëndinë

Kush voton

Pёr

PD blu,

Voton pёr Zotin e vёrtetё.

Voton për oborrin barok,  

Voton për oxhak

Voton

Për vatër.

Ai është filo demokrat

Voto, voto nunrin katërdhetë e katër (44 ).

***

Kripto komunistёt e kuq,

Konvertuar dje nё rozё,

Dhe sot në mavi

Që vërvitën Gёrdecin

Nё erё

Që më 21 janar

Katër

Demonstrues qyqarë, 

Duke na e lënë neve bluve

Si gjithmonë

Si përherë

Tragjedinë e tyre kopile nё derё...

U groposёn

26 vetё

Fluturuan nё erё çatitë,

Pёsoi epokalipsin Gёrdeci i mjerё,

U rrafshuam pёrtokё, të gjitha shtëpitë…

Gёrdecarё

Votoni

Kandidat Hiroshimёn,  

Votoni, pra numrin 44

Numrin

E shenjtë !

Dhe  26 tё vdekurit do tё ringjallen

Dhe 300 tё lёnduarit, do tё kthehen prapё, nё jetё.

***

Shqipёria pa tё kuqe

Pa tё zezё.

Blu gjithçka,

Blu  dhe zogu nё vezё.

As tё kuqe as rozё s’do tё ketё mё.

***

Lindёn dhe kёngёt e realizmit demokratik,

Si kёngёt partizane nё luftёra, beteja,

Si himne, si marshet partizane,

Kënga blu

Një kumbim i mekur kambane.

Jemi ndryshimi, jemi ndryshimi,

të gjithë duart t’i bashkojmë.

Jemi ndryshimi, jemi ndryshimi

mbi çdo sfidë ne do fitojmë.

Këngët partitane

Marrrshet

Himnet

I këndonte populli

I këndonin betejave partizanët vetë

Kurse këngën himnin blu

Këngën publicitet

E këndon turma klakere

Nё mitingje, rrugё, rrugica,

E kёndojnё makinat reklamё me altoparlantё,

E kёndojnё sidomos fёmijёt naivisht

Rrugёve,

Oborreve,

Korridoreve tё pallateve,

Nё ashensorё:

Nën qiellin blu dhe pa re,

na pret të gjithë një ditë e re 

Po populli,

Pse s’e këndon këngën tuaj,  

Pse, s’e këndon populli, këngën tuaj, Pse…?!

27 qershor 2009 – 8 qershor 2013